തന്റെ മുന്നിലിരിക്കുന്ന പ്രേക്ഷകരുടെ പള്സ് അറിഞ്ഞ് പാട്ട് പാടുന്ന ഗായികയാണ് റിമി ടോമി. പാട്ട് മാത്രമല്ല അതിനൊപ്പം കിടിലന് ഡാന്സുമുണ്ടാവും. പലപ്പോഴും ആരാധകര്ക്കിടയലേക്ക് ഇറങ്ങി വന്നാണ് റിമി ഞെട്ടിക്കാറുള്ളത്. അങ്ങനെ സംഗീതലോകത്ത് നിറഞ്ഞ് നില്ക്കുന്ന റിമി ടോമിയുടെ പരിപാടിയുടെ ഒരു വീഡിയോ വൈറലാവുകയാണിപ്പോള്. ഏതോ നാട്ടില് ഗാനമേളയ്ക്ക് പോയ റിമി ആളുകളുമായി സംസാരിക്കുന്നതാണ് വീഡിയോയിലുള്ളത്.
എല്ലാവര്ക്കും വേണ്ടി ഒരു പ്രണയഗാനം പാടാന് പോവുകയാണെന്ന് പറഞ്ഞ താരം ഇതിന് പിന്നാലെ പ്രണയ ജീവിതത്തെ കുറിച്ചും സംസാരിച്ചു. എല്ലാവരോടും മനസിലുള്ള പ്രണയിനിയെ പുറത്ത് കൊണ്ട് വരാനും അതിലൂടെ പാട്ടിന് കൂടുതല് ഫീല് കിട്ടുമെന്നുമൊക്കെയാണ് റിമി പറയാന് ഉദ്ദേശിച്ചത്. ഈ വീഡിയോ വൈറലായതോടെ റിമി പറഞ്ഞ കാര്യങ്ങളും ശ്രദ്ധേയമാവുകയാണ്. ‘അധികം പഴയതുമല്ല, ഏറ്റവും പുതിയതുമല്ലാത്ത ഒരു പ്രണയഗാനം ഞാന് നിങ്ങള്ക്ക്
വേണ്ടി പാടാന് പോവുകയാണെന്നാണ് റിമി ടോമി പറഞ്ഞത്. താനത് പറഞ്ഞതും മുന്നിലിരിക്കുന്ന പല ആളുകളുടെയും മുഖത്ത് മാറ്റം വന്നു. ഇവിടെ പച്ച സാരി ഉടുത്തിരിക്കുന്ന ചേച്ചിയുടെ മുഖത്തും പ്രണയം കാണാം. പ്രണയമില്ലാത്തവരെ നമുക്ക് മനുഷ്യനെന്ന് വിളിക്കാന് പറ്റുമോ? ഇനി പ്രണയമില്ലാത്ത ആളുകളുണ്ടോ എന്ന് ചോദിക്കാന് പോലും എനിക്ക് താല്പര്യമില്ല. അവരെയും നമുക്ക് മനുഷ്യനെന്ന് വിളിക്കാം. കാരണം അവരുടെ ജീവിതത്തില് ഇനി വരാന് പോകുന്ന ആളുമായിരിക്കാം.
ചിലപ്പോള് ഉള്ളതിനെക്കാളും കൂടുതല് പ്രതീക്ഷിക്കുന്നവരായിരിക്കാം. ഒരുമിച്ച് ജീവിച്ച് ജീവിച്ച് ഈ ജന്മവും അടുത്ത പത്ത് ജന്മവും അവരുടെ കൂടെ തന്നെ ജീവിക്കണമെന്ന് ആഗ്രഹിക്കുന്നവരും ഉണ്ടാവാം. ദൈവം എന്തായാലും നമ്മളെല്ലാവര്ക്കും ഒരാളെ തരും. ആ ഒരാളെ ഇപ്പോള് മനസിലേക്ക് കൊണ്ട് വാ… എന്നിട്ട് അവരെയും കൊണ്ട് എങ്ങോട്ട് യാത്ര പോകാനാണ് ഇഷ്ടമെന്ന് കൂടി പറയുക. ഇതെല്ലാം നിങ്ങള് മനസിലൂടെ ആലോചിക്കുമ്പോഴെക്കും ഞാന് പാട്ടുമായി വരാം.
എല്ലാവരും അവരവരുടെ ഇഷ്ടത്തിന് അനുസരിച്ച് ജീവിച്ചോളൂ… എന്നുമാണ് റിമി പറഞ്ഞത്. പിന്നാലെ സദസ്സിലുണ്ടായിരുന്ന ആളുകകളുടെ മൊബൈല് ഫോണ് എടുപ്പിച്ച് ഫ്ളാഷ് ലൈറ്റ് ഓണ് ചെയ്യിപ്പിക്കുകയും തന്നോട് ഇഷ്ടടമുള്ളവര് മാത്രം അങ്ങനെ ചെയ്താല് മതിയെന്നുമൊക്കെ പറയുന്നു. മാത്രമല്ല സെക്യൂരിറ്റിയായി നിന്ന പോലീസുകാരെ പോലും ഗായിക വെറുതേ വിട്ടിട്ടില്ല എന്നതാണ് ശ്രദ്ധേയം. തന്റെ വര്ത്തമാനം കേട്ട് ചിരിച്ചോണ്ട് നില്ക്കുന്ന പോലീസുകാരനോട് സീരിയസ്സ്നെസ്സ്
ഒക്കെ വിടാനും ജോലിയുടെ സമ്മര്ദ്ദമില്ലാതെ ചിരിക്കാനുമൊക്കെ’ റിമി ആവശ്യപ്പെടുന്നു. സാധാരണ ആളുകള് ഇത്തരം സംസാരത്തെ വെറുക്കാറാണ് പതിവെങ്കിലും റിമി ടോമിയായത് കൊണ്ട് മാത്രം സ്വീകരിച്ചു. എല്ലാവരും ചിരിച്ച് കൊണ്ടാണ് റിമി പറഞ്ഞ ഓരോ കാര്യങ്ങളും കേട്ടത്. പോലീസുകാര് പോലും മിണ്ടാതെ നിന്നു എന്നതും ശ്രദ്ധേയമാണ്. ഇതിനിടെ റിമി ടോമിയുടെ ജീവിതത്തിലും പുതിയൊരു പ്രണയമുണ്ടോ എന്ന് ചോദിക്കുകയാണ് ആരാധകര്. നേരത്തെ വിവാഹിതയായ റിമി ടോമി ഭര്ത്താവ് റോയിസിനെ കുറിച്ച്
പലപ്പോഴും തുറന്ന് സംസാരിച്ചിട്ടുണ്ട്. പല വേദികളും റിമിയ്ക്ക് കൂട്ടായി വന്നിരുന്നത് ഭര്ത്താവാണ്. എന്നാല് ഇരുവരും തമ്മിലുള്ള അഭിപ്രായ വ്യത്യാസങ്ങള് രൂക്ഷമായതോടെ വേര്പിരിയുകയായിരുന്നു. ശേഷം റോയിസ് വേറെ വിവാഹം കഴിച്ച് പുതിയ ജീവിതം ആരംഭിച്ചു. വളരെ ചെറിയ പ്രായത്തില് പള്ളിയില് പാട്ട് പാടി കൊണ്ടാണ് റിമി ടോമിയുടെ കരിയര് തുടങ്ങുന്നത്. പിന്നീട് സിനിമയിലേക്ക് വന്ന റിമി മീശമാധവന് എന്ന സിനിമയിലെ ഹിറ്റ് പാട്ട് പാടി പിന്നണി ഗായികയായി. വേറിട്ട ശബ്ദവും സ്റ്റൈലുമൊക്കെയാണ് റിമിയെ മറ്റുള്ളവരില് നിന്നും വ്യത്യസ്തയാക്കുന്നത്.
Leave a Reply