ഇപ്പോൾ ഇന്ത്യയിലൊട്ടാകെ ചർച്ചചെയ്യപ്പെടുന്ന സിനിമയാണ് കെജിഎഫ് 2. ഒരുപക്ഷേ ഇന്ത്യ കണ്ട എക്കാലത്തെയും മികച്ച ബ്രഹ്മാണ്ട മാസ്സ് മസാല സിനിമ എന്ന് കെജിഎഫ് നെ വിശേഷിപ്പിച്ചാൽ തെറ്റാകില്ല. ഒരു നിലയ്ക്കും നെഗറ്റീവ് റിവ്യൂ വരാതെ സകലമാന റെക്കോർഡുകൾ ഭേദിച്ചുകൊണ്ട് കെജിഎഫ് മുന്നേറുകയാണ്.
ബ്രഹ്മാണ്ഡ സിനിമകൾ ചെയ്തു കൊണ്ട് സൗത്ത് ഇന്ത്യൻ സിനിമയുടെ അഭിമാനമായ ശങ്കർ ആൻഡ് രാജമൗലി എന്ന സംവിധായകരുടെ കൂട്ടത്തിലേക്ക് മൂന്നാമതൊരാൾ സാൻഡൽവുഡ് ൽ നിന്ന് സ്ഥാനം കണ്ടെത്തിയിരിക്കുന്നു. കെ ജി എഫ് 1 & 2 എന്നീ ബ്രഹ്മാണ്ഡ സിനിമകളിലൂടെ ദൃശ്യവിരുന്നൊരുക്കിയാണ് പ്രശാന്ത് നീൽ എന്ന സംവിധായകൻ ഇന്ത്യൻ സിനിമയിൽ ചരിത്രം രചിച്ചത്.
എന്നാൽ ഈ സിനിമയുടെ ഏറ്റവും വലിയ ഹൈലൈറ്റാണ് നായകനായി അഭിനയിച്ച യാഷ്. ഒരുപക്ഷേ ഇത്രയും മികച്ച സ്ക്രീൻ പ്രസൻസ് ഇതിനുമുമ്പ് ഒരു നടനും കിട്ടിയിട്ടില്ല എന്നാണ് സിനിമ പണ്ഡിതന്മാർ അഭിപ്രായപ്പെടുന്നത്. ഈ രണ്ടു സിനിമകളിലൂടെ യാഷ് പാൻ ഇന്ത്യ ലെവലിൽ അറിയപ്പെട്ടു. ഒരുപാട് ആരാധകരാണ് ഇപ്പോൾ താരത്തെ ഫോളോ ചെയ്യുന്നത്.
എന്നാൽ യാഷിന്റെ യഥാർത്ഥ ജീവിതം അത്ര സുഖകരമായിരുന്നില്ല. ഒരുപാട് കഷ്ടപ്പാടുകൾ സഹിച്ചാണ് അദ്ദേഹം ഇന്ന് കാണുന്ന നിലയിലേക്ക് എത്തിപ്പെട്ടത്. സിനിമാലോകത്ത് നെപ്പോട്ടിസം വാഴുന്ന സമയത്ത് ഒരു സിനിമ പാരമ്പര്യമോ, സ്വാധീനമോ ഇല്ലാതെയാണ് യാഷ് ഇന്ന് കാണുന്ന നിലയിലേക്ക് എത്തിപ്പെട്ടത് എന്നത് അദ്ദേഹത്തിന്റെ മൂല്യം വർധിപ്പിക്കുന്നു.
യാഷിന്റെ യഥാർത്ഥ ജീവിതം ഒരു സിനിമയെ വെല്ലുന്ന കഥയാണ്.
അഭിനയത്തോടുള്ള അതീവതാൽപര്യം കൊണ്ട് പഠനം പകുതിവഴിയിൽ നിർത്തുകയായിരുന്നു. ഒരു മിഡിൽ ക്ലാസ് ഫാമിലിയിൽ നിന്നാണ് യാഷ് കടന്നുവരുന്നത്. കേവലം 300 രൂപയുമായാണ് അദ്ദേഹം സിനിമയിൽ അഭിനയിക്കണമെന്ന മോഹവുമായി ബാംഗ്ലൂരിൽ എത്തുന്നത്.
എന്നാൽ വിചാരിച്ചതു പോലെ കാര്യങ്ങൾ നടന്നില്ല. ഒരുപാട് ചെറിയ ചെറിയ പണികൾ ചെയ്യേണ്ടിവന്നു. അങ്ങനെ അവസാനം ഒരു നാടക ട്രൂപ്പിൽ ചെറിയ വേഷങ്ങൾ ചെയ്തു കൊണ്ട് അഭിനയം ആരംഭിച്ചു. അങ്ങനെയിരിക്കെയാണ് ഒരു സീരിയലിൽ അഭിനയിക്കാനുള്ള അവസരം ലഭിക്കുന്നത്. ഉത്തരായണ എന്ന സീരിയലിൽ ചെറിയ വേഷം ചെയ്തുകൊണ്ട് അഭിനയം ആരംഭിച്ചു.
പിന്നീട് നന്ദ ഗോകുല എന്ന സീരിയലിൽ അഭിനയിച്ചു കൊണ്ട് താരം ചെറിയ രീതിയിൽ അറിയപ്പെട്ടു. പിന്നീട് 2007 ലാണ് താരം സിനിമയിൽ അഭിനയിക്കുന്നത്. ജമ്പദാ ഹുടുകി എന്ന കന്നട സിനിമയിൽ ചെറിയ വേഷം ചെയ്തുകൊണ്ട് താരം ആദ്യമായി വെള്ളിത്തിരയിൽ പ്രത്യക്ഷപ്പെട്ടു. ഇപ്പോൾ യാഷിന്റെ ഭാര്യയും, യാഷിന്റെ രണ്ടു കുട്ടികളുടെ അമ്മയുമായ പ്രശസ്ത നടി രാധിക പണ്ഡിറ്റ് പ്രധാന വേഷത്തിലഭിനയിച്ച മോഗിന മനസ്സ് എന്ന സിനിമയിൽ അഭിനയിച്ചുകൊണ്ട് താരം കൂടുതൽ ശ്രദ്ധ പിടിച്ചുപറ്റി.
ഗൂഗ്ലി എന്ന സിനിമയിലൂടെയാണ് താരം കന്നട സിനിമയിൽ കൂടുതൽ അറിയപ്പെട്ടത്. പിന്നീട് മിസ്റ്റർ ആൻഡ് മിസ്സിസ് രാമചാരി, ഗജകേസരി തുടങ്ങിയ സിനിമകളിൽ മികച്ച വേഷങ്ങൾ കൈകാര്യം ചെയ്തു. ഇതിന് ശേഷമാണ് താരം കെജിഎഫ് ചെയ്യുന്നത്. ആദ്യ സിനിമയിൽ അഭിനയിച്ചപ്പോൾ അതിന്റെ പ്രമോഷനു വേണ്ടി സ്വന്തം ഓട്ടോ ഓടിച്ചു കൊണ്ട് ജനങ്ങളുടെ പ്രതികരണം അറിയാൻ വേണ്ടി പോയ വ്യക്തിയാണ് യാഷ്. ഇന്ന് ഇന്ത്യൻ സിനിമയുടെ അഭിമാനം വാനോളം ഉയർത്തുന്ന ഒരു മഹാനടൻ ആയി യാഷ് മാറിയിരിക്കുന്നു.
Leave a Reply