അമേരിക്കയിൽ ആണെങ്കിലും കേരളത്തനിമ വിട്ടൊരു കളിയുമില്ല… ദിവ്യ ഉണ്ണിയുടെ കുടുംബ ഫോട്ടോ വൈറലാകുന്നു….

മലയാള സിനിമയിലെ മുൻനിര നായകന്മാരുടെ കൂടെ എല്ലാം അഭിനയിച്ച ഒരുപാട് ആരാധകരെ നേടിയ താരമാണ് ദിവ്യഉണ്ണി. ഭാര്യയായി സഹോദരിയായി കാമുകിയായി അങ്ങനെ വ്യത്യസ്തങ്ങളായ ഒരുപാട് കഥാപാത്രങ്ങൾ ആണ് താരം അഭിനയിച്ച് മികച്ചതാക്കിയത്. അഭിനയത്തിനും പഠനത്തിനൊപ്പം താരം നൃത്ത മേഖലയിലും കഴിവ് തെളിയിക്കുകയും ചെയ്തു.

വളരെ ചെറുപ്പത്തിൽ തന്നെ ഡാന്സിനോട് താല്പര്യമുള്ള താരം നിരവധി വേദികളിൽ തന്നെ നൃത്തം അവതരിപ്പിക്കുകയും കയ്യടി നേടുകയും ചെയ്തിട്ടുണ്ട്. മലയാള സിനിമയിൽ നിന്ന് ഇപ്പോൾ താരം വിട്ടു നിൽക്കുകയാണെങ്കിലും നൃത്ത മേഖലയിൽ സജീവമായി തുടരുകയാണ്. സജീവമായ കാലമത്രയും മികച്ച കഥാപാത്രങ്ങൾ ആണ് താരം അവതരിപ്പിച്ചത്. തന്നിലൂടെ കടന്നു പോയ കഥാപാത്രങ്ങളെ പ്രേക്ഷകരിലേക്ക് എത്തിക്കാൻ താരത്തിന് സാധിക്കുകയും ചെയ്തു.

എന്റെ മാമാട്ടിക്കുട്ടി അമ്മ ക്ക് എന്ന ചിത്രത്തിൽ ഭരത് ഗോപിയുടെ മകളുടെ കഥാപാത്രം അവതരിപ്പിച്ചു കൊണ്ടാണ് സിനിമ അഭിനയം താരം തുടങ്ങുന്നത്. പിന്നീടങ്ങോട്ട് ചെയ്ത സിനിമകൾ ഓരോന്നും വിജയങ്ങളായിരുന്നു . കല്യാണ സൗഗന്ധികം എന്ന ചിത്രത്തിലാണ് താരം ആദ്യമായി നായികയായി അഭിനയിച്ചത്. ഓരോ സിനിമകളിലൂടെയും ലക്ഷക്കണക്കിന് ആരാധകരെ താരം നേടിയിട്ടുണ്ട്.

ആകാശഗംഗ, പ്രണയവർണങ്ങൾ, ചുരം എന്നീ സിനിമകളിലെ താരത്തിന്റെ അഭിനയം ശ്രദ്ധേയമായിരുന്നു എന്ന് എടുത്തു പറയേണ്ടതാണ്. ഇതിനു പുറമേ താരം ടെലിവിഷൻ സീരിയലുകളിലും അഭിനയിച്ചിട്ടുണ്ട്. ഏതു കഥാപാത്രത്തെയും നിഷ്പ്രയാസം അഭിനയിക്കാനും ഏതു തരത്തിലുള്ള കഥാപാത്രവും സ്വീകരിക്കാനും മനസ്സു കാണിക്കുകയും കഴിവ് പ്രകടിപ്പിക്കുകയും ചെയ്ത താരമായിരുന്നു ദിവ്യഉണ്ണി.

എന്നാൽ വിവാഹത്തോടെ മലയാളി നടിമാർ അഭിനയത്തിൽ നിന്ന് വിട്ടു നിൽക്കാറുണ്ട്. അതുപോലെയാണ് താരവും വിവാഹത്തിന് ശേഷം അഭിനയത്തിൽ നിന്ന് മാറി നിൽക്കുകയാണ് ചെയ്തത്. ഇപ്പോൾ ഭർത്താവിനും മക്കൾക്കും ഒപ്പം വിദേശത്താണ് താരം താമസം. ആരാധകരെല്ലാം താരത്തോട് സിനിമയിലേക്ക് തിരിച്ചു വരാൻ ആവശ്യപ്പെടുകയും അക്കാര്യം ചോദിക്കുകയും ചെയ്യാറുണ്ട്. അത്രത്തോളം സോഷ്യൽ മീഡിയ ഇടങ്ങളിൽ താരം സജീവമാണ് എന്ന് ചുരുക്കം.

താരം സോഷ്യൽ മീഡിയ ഇടങ്ങളിൽ തന്റെ ഫോട്ടോകൾ മറ്റു വിശേഷങ്ങളും പങ്കുവയ്ക്കാറുണ്ട്. സിനിമയിൽ സജീവമല്ലെങ്കിലും ആരാധകരുടെ എണ്ണത്തിൽ ഒരു കുറവും വന്നിട്ടില്ല. അതുകൊണ്ടു തന്നെ പങ്കുവയ്ക്കുന്ന എല്ലാം വളരെ പെട്ടെന്ന് തന്നെ വൈറൽ ആകാറുണ്ട്. ഇപ്പോൾ അമേരിക്കയിൽ നിന്ന് കേരളത്തനിമ മുറ്റി നിൽക്കുന്ന ഫോട്ടോകൾ ആണ് താരം പങ്കുവച്ചിരിക്കുന്നത്.

കസവുമുണ്ട് ചുറ്റിയ ഒരു കുടുംബ ഫോട്ടോയാണ് താരം പങ്കുവച്ചിരിക്കുന്നത്. പങ്കുവെച്ച് നിമിഷങ്ങൾക്കകം തന്നെ ഫോട്ടോ വൈറൽ ലിസ്റ്റിൽ ഇടം പിടിച്ചു. വളരെ മികച്ച അഭിപ്രായങ്ങളാണ് താരത്തിന് ഓരോ കാഴ്ചക്കാരനും നൽകുന്നത്. എന്തായാലും വളരെ പെട്ടെന്ന് താരത്തിന്റെ ഫോട്ടോകൾ ആരാധകർ ഏറ്റെടുക്കുകയും സമൂഹ മാധ്യമങ്ങളിൽ വൈറലാവുകയും ചെയ്തിട്ടുണ്ട്.